| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 47.31 | Dem. 47.34 (English) | >>Dem. 47.38 |
47.33ταῦτα τοίνυν ἐγὼ πάντα ἐνθυμούμενος , καὶ ἀκούων τὸν Θεόφημον τῶν πεπλησιακότων οἷος εἴη περὶ τὰ διάφορα , καὶ οὐκ ἀπολαμβάνων τὰ σκεύη παρʼ αὐτοῦ , προσῄειν πρός τε τοὺς ἀποστολέας καὶ τὴν βουλήν καὶ τὸν δῆμον , λέγων ὅτι οὐκ ἀποδίδωσί μοι τὰ σκεύη ὁ Θεόφημος , ἃ ὦφλεν ἐν τῷ δικαστηρίῳ . προσῇσαν δὲ καὶ οἱ ἄλλοι τριήραρχοι τῇ βουλῇ , ὅσοι μὴ παρελάμβανον παρὰ τῶν ὀφειλόντων τὰ σκεύη . καὶ πολλῶν λόγων γενομένων ἀποκρίνεται ἡμῖν ἡ βουλὴ ψηφίσματι , ὃ ἀναγνώσεται ὑμῖν , εἰσπράττεσθαι τρόπῳ ᾧ ἂν δυνώμεθα .γενομένου τοίνυν τοῦ ψηφίσματος τούτου ἐν τῇ βουλῇ , καὶ οὐδενὸς γραφομένου παρανόμων , ἀλλὰ κυρίου ὄντος , προσελθὼν Εὐέργῳ τουτῳὶ τῷ ἀδελφῷ τοῦ Θεοφήμου , ἐπειδὴ τὸν Θεόφημον οὐχ οἷός τε ἦν ἰδεῖν , ἔχων τὸ ψήφισμα πρῶτον μὲν ἀπῄτησα τὰ σκεύη καὶ ἐκέλευσα αὐτὸν φράσαι τῷ Θεοφήμῳ , ἔπειτα διαλιπὼν ἡμέρας τινάς , ὡς οὐκ ἀπεδίδου τὰ σκεύη , ἀλλʼ ἐχλεύαζέ με , παραλαβὼν μάρτυρας ἠρόμην αὐτὸν πότερα νενεμημένος εἴη πρὸς τὸν ἀδελφὸν ἢ κοινὴ ἡ οὐσία εἴη αὐτοῖς .
47.35ἀποκριναμένου δέ μοι Εὐέργου ὅτι νενεμημένος εἴη καὶ χωρὶς οἰκοίη ὁ Θεόφημος , αὐτὸς δὲ παρὰ τῷ πατρί , πυθόμενος οὗ ᾤκει ὁ Θεόφημος , λαβὼν παρὰ τῆς ἀρχῆς ὑπηρέτην ἦλθον ἐπὶ τὴν οἰκίαν τοῦ Θεοφήμου . καταλαβὼν δὲ αὐτὸν οὐκ ἔνδον ὄντα , ἐκέλευσα τὴν ἄνθρωπον τὴν ὑπακούσασαν μετελθεῖν αὐτὸν ὅπου εἴη , ταύτην ἣν μεμαρτυρήκασιν οὗτοι προκαλέσασθαι τὸν Θεόφημον παραδοῦναι , ἐγὼ δὲ ἐξαιτῶν οὐ δύναμαι παραλαβεῖν , ἵνʼ ὑμεῖς τὴν ἀλήθειαν πύθησθε , ὁπότερος ἦρξεν χειρῶν ἀδίκων .
Ψήφισμα
47.34
| Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
| <<Dem. 47.31 | Dem. 47.34 (English) | >>Dem. 47.38 |
